عدد الرسائل : 221 العمر : 39 البلد : جعفريه الهواية : المهنة : sms : لا إله إلا الله عدد ما كان ، وعدد ما يكون ، وعدد الحركات والسكون
سبحان الله وبحمده عدد خلقة وزنة عرشه ورضا نفسه ومداد كلماته
سبحان الله وبحمده سبحان الله العظيم
اللهم لك الحمد كما ينبغي لجلال وجهك وعظيم سلطانك
دعاء : تاريخ التسجيل : 05/10/2008
موضوع: افتكروا فضل رمضان الأحد أكتوبر 05, 2008 1:57 pm
كنا في ايام حلوة اوي... كل واحد فينا كان بيدور على قلبه في العباده
وكتير مننا استشعر معني التلذذ في الصلاة او عند قراءة القرآن او اثناء الاستغفار وتذكر كل ذنب اقترفناه وستره الحليم الستير
بل و ربنا ادانا الفرصة للصيام والقيام وفعل الخيرات... من غير ماحد يعرف اننا اصحاب الذنوب الفلانيه او المقصرين
تخيلوا ان الصلاة والصفوف تتقسم على حسب ذنب كل واحد؟ اصحاب الذنوب الفلانية تصلي في الصف الاخير.. واصحاب الطاعات يصلوا في الصف الأول فقط
اصحاب ذنوب الخلوات محرومين من دخول المسجد مثلا.... !!!
الناس اللى كانت بتنام عن صلاة الفجر تنحرم من صلاة التهجد مثلا؟
يااااه .. ده ربنا كريم اوي ياجماعة.. وكلنا متساويين في كل حاجه وكلنا صلينا جنب بعض من غير ماحد يتفضح قصاد التاني
حتى العيد... كلنا فرحانيين
تخيلوا معايا العيد كان بس للي اجتهد... والناس اللى قصرت تنحرم مثلا من صلاة العيد؟
لا.. ربنا كريم.. وخلانا كلنا نفرح ونحتفل بالعيد... المجتهد مننا والمقصر... وحتى اللى محاولش يعمل حاجه في رمضان...كل دول واقفين النهاردة في صف واحد بيصلوا صلاة العيد وشايفين الفرحة في عيون الناس ------------ --------- ----------------- --------- --
فاكرين اول دمعة نزلت من عنينا في رمضان؟
اول دمعة نزلت مع الاية الفلانية اما قريتها بالليل وتخيلت نفسك في الجنة؟
اول دمعة نزلت اما سمعت الشيخ بيدعي وبيقول يارب مشوفناش الرسول صلى الله عليه وسلم في الدنيا فــ ارزقنا صحبته في الجنة؟
اول دمعة اما حسيت بان ده هيكون شهر توبة ورجوع إلى الله؟
اول دمعة اما فطرت حد غلبان ومسكين.. وحسيت قد ايه ربنا كرمك بالاكل والشرب من غير ماتسأل او تحتاج لحد يديك تمن الوجبة ؟؟؟
اول صدقة طلعتها وشوفت فرحة المسكين بيها؟
اكتب الحاجات دي في ورقة.. وفكر نفسك بيها دايما هي دي الحاجات اللى هتخليك عايش في رمضان طول السنة...
هتفكرك باحلى احساس جواك
هتفكرك قد ايه كنت مكسور ونفسك ربنا يرضى عنك وتفضل عايش كده طول عمرك
" في ذكرى رمضان" ردد الكلمة دي كتير
كل ماقلبك يفتُر...كل مانفسك تشتهي الذنب اللي تـُبت عنه.. كل ماتقصر في طاعتك..
موضوع: افتكروا فضل رمضان 
الأحد أكتوبر 05, 2008 1:57 pm
