موضوع محتاج لمناقشه جااااااااااااده جدا(ازمة العصر)

أيها السادة ياسكر ذيادة ... خطيبي حبيبي كان خاطب واحدة واعية .. فاهماها وهي طايرة ..
طبعاً مش أنا ...الوعي ده له ناسه .. وواضح أنه ماعداش عليا خااااالص ... الواعية تبقي خطيبته السابقة ياحضرات .. كانت بتحبه ودايبة في هواه .. ده كلامه هو مش كلامها ..طبعاُ ماتحبوش ليه ؟ هو فيه حد في جماله ؟؟؟ تقولشي حسين فهمي في شبابه ، جمال أيه وطعامة أيه .. هو أنا كنت أطول ؟
وفي يوم من ذات الأيام سألها ننوس عين أمه السؤال المقرر الذي كان يجريه دائماً قبل إتمام إجراءات الزواج. عشان يبقي علي نووور من أولها والسؤال القاتل هو .. صحصحوا معايا كدة لو سمحتم ..
أيه رأيك ياحياتي نعمل أوضة لمامتي في عش الزوجية عشان لما تحب تغير جو تييجي تنورنا .....
.الأروبة الواعية الدؤرومة ردت عليه كدة من غير كسوووف ... الحاجات دي ماتتاخدش إلا كدة من غير كسوف ولا حيا :
مش ممكن أبداً ، ماينفعش ياعم .... مامتك تضلم بيتها وتيجي تنور عندنا ، أنا مرارتي ماتستحملش ، هو أنت فاكرني مستحملاها وهي بعيد لما هاتجيبها تعيش معايا في بيتي ، لأة يابابا . أنا كدة بقي ماأعطلكش ..
وخلعت دبلتها ورمتها في وجهه وقالتله :
ياااالا يابابا سمعنا السلام الوطني وماتنساش تسلملي علي مامتك
يابنت اللذينا .... أكيد أمها كانت داعيالها .... يابختها ، بينت المحظوظة نفدت برجلها ووقعت أنا في المصيدة ، مش كانت تقوول حاجة ولا كل واحدة مابتدورش إلا علي مصلحتها ، ده أنا برضوه أختها في الإنسانية.. حسبي الله ونعم الوكيل ..... وقد سؤلت مثل هذا السؤال بالضبط وكان ردي العبيط هو سيد الموقف:
وماله ياحبيبي .. دي مامتك تبقي ذي مامتي تمام وإن ماشاليتهاش الأرض أشيلها بين رموش عينيا....
واحدة فدائية مثلي ومستبيعة تستحق كل إللي بيجرالها وبالهنا والشفا عليها ......وهنا تمسك خطيبي بي بيديه واسنانه فقد كنت أول واحدة تطلع حمارة وتنجح في هذا الإختبار القاتل ، فمن الواضح أن حماتي كانت قد قامت بالمطلوب وطفشت البنية وبحكم إنهم جيرااان يمكن إديتها جرعة ذيادة حبتين فمش معقول البنت هاترد الرد ده من الباب للطاق كدة ....... فحماتي ياسادة كانت قد طلبت من ابنها ألا يتزوج إلا بعد أن يواريها التراب .. فهي أولي بكل قرش يصرفه علي غيرها .. وجحا أولي بلحم ثوره.. ولم تكن تمانع بالمرة أن يتخذ لنفسه عشيقة تصرف عليه ويحبها ذي ماهو عاوز ، وبلاها مصاريف الزواج ، وكان عندما يبدي رغبته في حلال ربنا تبدأ هي بشن حربها الشعواء .. وفي الحرب كل شيء مباح .........
.وختاماً ، أنا بأعترف ياسيادة القاضي .. اني أنا إللي جبت ده كله لنفسي

رفعت الجلسة
ده مثال لواحده وافقت على تواجد حماتها معاها فى البيت
ياترى انتى او انت لو مكانها تعملوا ايه؟؟؟؟؟؟؟؟

مستنييييييييييييييه رددوكوا يا جماعه

لو عليا انا الام ثم الزوجة

طبعا الام ثم الام ثم الام
بس انا بتكلم فى نقطه تانيه
وهى انك ممكن تقبل حماتك تعيش معاك
وشكرا على مرورك

للاسف كان نفسى اقول ايوة بس لا طبعا افردى لو انا ساكن فى عشة اجيبها تقعد معانا وتلخبطلنا السرير ههههههههههههههه تقبلى مرورى